پێتڤیە گەنج كێمتر ژ داهاتێ خۆ مەزاختیان بكن
راپۆرت:جوان بەرواری
مرۆڤێ سەركەفتی ئەوە بكارت خۆ ب گونجینت دگەل بارودۆخێن نۆكە دا وپشت هەڤسەنگیەكێ بێختە دناڤبەرا داهات و خەرجیێن خۆدا،ب تایبەت ژی گەنج بیر ل وێ چەندێ بكن كو پێتڤیە كێمتر ژ داهاتێ خۆ مەزاختیان بكن دا ژ قەیرانێن دارایی قورتال ببن،ڤەكۆلەرەكی جڤاكی ژی دبێژت ل ڤی سەردەمی گەنجێ مە ل خوشیێت خۆ دگەرت وهزر ناكت،كو دێ كەفتە ناڤا قەیرانان دا،لەوا ژی پێتڤیە رێكخراوێن گرێدایی كاروبارێن گەنجان دگەل حكوومەتێ رۆلێ خۆ رابن.
گەنجەك ب ناڤێ(سالار)دیاركر،مرۆڤێ سەركەفتی ئەوە بكارت خۆ ب گونجینت دگەل بارودۆخێن نۆكە دا وپشت هەڤسەنگیەكێ بێختە دناڤبەرا داهات و خەرجیێن خۆدا، پاشی پێداچۆنەكێ دخەرجیێن خۆیێن بەری ڤان كاودانان دا بكت كا ل كێدەرێ زێدەگاڤی كریە پێكولا كێمكرنا وان خەرجیان بكت،خویاكرژی پێتڤیە مرۆڤ كێمتر ژ داهاتێ خۆ مەزاختیان بكت،یافەرە ژی گەنج ب بەرپرسیارەتیا خۆ رابت داكو ژ قەیرانێن دارایی قورتال بتن.
رەوشەنبیر(عبدلعەزیز محسن) خویاكر،ل دەستپێكێ پێتڤیە گەنج خۆ بەرپرسیارببینت ژ ژیانا خۆ یا رۆژانە و بیرل وێ چەندێ بكت،كو رۆژانە داهاتێ خۆ ب چ تشتێ گرنك دمەزێخت و هەردەمێ ئاستێ (هشیاریا جڤاكی ، رەوشەنبیریا گشتی ،پەروەردەیی، زانستێ مەعریفی،داریی، مالباتێ)ئەڤە هەموو نەبوون وی دەمی بریارا وی نە یاساخلەمە،ژبەركو نەبتنێ قەیرانا دارایی ئەگەرێ وێ چەندێ یە،بەلكو تەكنلۆژیا نۆكە ژی بەشەكە ژ مەزاختیا وی،گۆتژی گەنج دكارت پلان هەبن بۆ هەر روودان و پێشهاتەكێ و دێ ب رەنگەكێ گەلەك ئەكتیف سەرەدەریەكا گونجایی و ساخلەم دگەل دا ئێتەكرن.
ڤەكۆلەرێ جڤاكی( ئاشتی) دبێژت:گەنج دەمێ دقۆناغا زارۆكینیێ دا پێتڤیە سنوورەك بۆ بێتە دان و ل سەر وی سنوری چەند خالەك بۆ بێنە بەرچاڤكرن،دا بزانت دێ چاوان پێتڤیێن خۆ یێن رۆژانە مەزاختنێ لێ كت،هەردەما خێزانا وی دیت دوی تەمەنی دا یێ مەزاختنەكا زۆر دكت وی هشیاربكت و بەرپرسیارەتیا وی دانتە سەرملێن وی،ئاشكەراكرژی ل ڤی سەردەمی گەنجێ مە یێ گەرمە تنێ ل خوشیێت خۆ دگەرت وهزر ل وێ چەندێ ناكت،كودێ كەفتە ناڤا قەیرانێن هۆسا دا،پێتڤیە رێكخراوێن گرێدایی كاروبارێن گەنجان دگەل حكوومەتێ رۆلێ خۆ رابن ب سازدانا چەندین سمینارو خۆلێن فێركرنێ، دا گەنجێ مە ب شێوەیەكێ دروست ژیانا خۆ ب رێڤە بەت.
تُتاح هذه الصورة أيضا في: کوردی