رێز ل قوتابیێن كۆمەلگەها مەهەتێ یێن ئێكێ ل سەر ئاستێ پارێزگەها دهۆكێ هاتە گرتن
تۆرا لالش یا راگەهاندنێ
درێورسمەكێ دا،رێز ل قوتابیێن رێزا ئێكێ و قەزا شێخان و كۆمەلگەها مەهەتێ ب دەست خۆ ڤە ئیناین هاتە گرتن.
ب ئامادەبوونا”سەردار شێخ یحیی”قایممقامێ قەزا شێخان و”خەولا خالد شلی” و”شێخ ڤیان”كارگێرێن لقێ۲۰ شێخان یێ پارتی و هەر سێ بەرپرسێن ریكخراوێن “شەهید محمود ئێزدی و دیرسم وبارزان” و”پیر خدر سلێمان”ئەندامێ پەرلەمانێ كوردستانێ یێ بەرێ و”ئازاد هادی” بەرپرسێ لقا قوتابیان و”سەربەست حسێن”بەرپرسێ نڤیسینگەها ئالایێ كوردستان ل قەسروكێ و”عبدولكەریم “بەرپرسێ ئێكەتیا مامۆستایان ونوونەرێ بنگەهێ لالش تایێ شێخان،دگەل ژمارەكا قوتابی ولاو و مامۆستا و رێڤەبەرێن قوتابخانا وكەسایەتیێن رەوشەنبیر و ئەندامێن نڤیسینگەها لالش ل كۆمەلگەها مەهەتێ،ل رێككەفتی ٢٧/٧/٢٠١٦،رێ و رسمێن رێزگرتنا قوتابیێن سەركەفتیێن رێزا ئێكێ ل كۆمەلگەها مەهەتێ هاتنە ب رێڤەبرن.
ل دەست پێكێ”مەهدی حەسەن”بەرپرسێ نڤیسینگەها لالش ب خێر هاتنا مێڤانان كر و وەك رێزگزتن خۆلەكێ سەكنین بۆ گیانێ پاكێ شەهیدان و سەروەرێ وان بارزانێی نەمر و كاك ئەدریسێ جوانە مەرگ،ل دووڤ دا بەرپرسێ نڤیسینگەهێ پەیڤەك پێشكێشكر و تێدا پیرۆزباهیا قوتابیێن سەركەفتی كر و بەحسێ گرنگیا خووندنێ كر و پیرۆزباهی ل قوتابی “میرخان” وهەڤالێن وی كر كو ئیرۆ كاری ب زانستی سەرێ ئێزدیان بلند بكەتن،هەروەسا “سەردار شێخ یحیی قایممقامێ قەزا شێخان و”شێخ ڤیان” كارگێرێ لقێ 20 پەیڤەك پێشكێشكرن و تێدا پیرۆزباهیا قوتابیێن سەركەفتی كرن و دەست خۆشی ل نڤیسینگەهێ ژی لالش كرن.
هەروەسا دیاری ل سەر قوتابێن ئێكێ ل سەر پارێزگەها دهۆكێ و هەر سێ قوتابیێن دیتر هاتن دابەشكرن،ژلایێ نڤیسینگەها لالش و نڤیسینگەها پاراستنا ئالایێ كوردستانێ ل قەسروكێ و لقا قوتابیێنن شێخان و رێكخراوێن كۆمەلگەها مەهەتێ دێرسم و بارزان و شەهید محمود ئێزدی.
ل داویێ پەیڤەك ژلایێ قوتابی”ژیان حەسەن جندی” ڤە ب زمانێ ئنگلیزی هاتە پێشكێشكرن،تێدا سوپاسیا قایممقامێ قەزا شێخان و لقا 20 و نڤیسینگەها لالش كر،ژبۆ ڤێ رێزگرتنێ.
تُتاح هذه الصورة أيضا في: کوردی