تەرمێ دوو كۆچبەرێن ئێزدی ژیونانێ بۆ ھەرێما كوردستانێ دھێت ڤەگوھاستن
باسنيوز:
رێڤەبەرێ گشتی یێ كاروبارێن ئێزدیان ل وەزارەتا ئەوقاف وكاروبارێن ئاینی ل هەرێما كوردستانێ دیاركركو تەرمێ دوو كوچبەرێن ئێزدی یێن خەلكێ قەزا شنگال ل یونان هاتینە دیتن، دێ بۆ قەزا شنگال هێنە ڤەگوهاستن.
خەیری بۆزانی، رێڤەبەرێ گشتی یێ كاروبارێن ئێزدیان ل وەزارەتا ئەوقاف وكاروبارێن ئاینی ل هەرێما كوردستانێ بۆ(باسنیوز) دیاركر:” دوو كوچبەرێن ئێزدی ب ناڤێن ( هەیفا سلێمان ئیبراهیم ) و( حەنیف خەلەف حەسەن) خەلكێ دووگرێ ل قەزا شنگالێ نە، ل كەنارێن یونانێ دناڤ ئاڤێدا خەندقینە، هاتینە دیتن. پشتی ئەم هاتینە ئاگەهداركرن كار هاتیە كرن ب رێیا نڤیسینگەها تایبەتا نێچیرڤان بارزانی سەرۆكێ حكومەتا هەرێما كوردستانێ دێ تەرمێ هەردوو كوچبەرێن ئێزدی ب رێیا فرۆكخانا هەولێر یا نێڤدەولەتی ژ یونانێ بۆ هەولێر هێتە ڤەگوهاستن”.
خویا ژی كر:” بەری چەند هەیڤان ئەڤ هەردوو كەسێن ئێزدی دگەل چار كەسێن دێی یێن ئێزدی خەندقی بوون. ئانكو شەش كەسێن ئێزدی خەندقی بوون ل وێ دەمێ تەرمێ چار ژوان هاتبوو دیتن. نۆكە ژنوو تەرمێ هەردوو كەسێن دی ژی هاتنە دیتن”
تُتاح هذه الصورة أيضا في: کوردی