هەزار خێزانێن ئاوارەیێن شنگالێ ژ هاریكاریان بێ بەهر دبن
تۆرا لالش:
نەبوونا ئیدارەیەكا فەرمی و پشتگوهـ ئێخستنا كەمپا سەردەشتێ ل چیایێ شنگالێ،بوویە ئەگەرێ بێ بەهربوونا بتر ژ هەزار خێزانێن ئاوارە ژ هاریكاریێن مرۆڤی و خێرخوازی.
دڤی واری دا ،عەلی شەمۆ ئێك ژ ئەندامێن گڕۆپێ(Nurang)یێ خۆبەخش بۆ دەنگێ لالش ئاشكەراكر،ئەڤ گڕۆپە ژ كۆمەكا گەنجێن سەردەشتێ یێن رەوشەنبیر و خودان باوەرنامە پێكهاتییە،ماوێ دوو سالایە د بوارێ مرۆڤایەتی و خێرخوازی دا ب شێوەكی خۆبەخش كاردكەت،وەكو گڕۆپ ئامادەكاریا خۆ رادگەهینن ب ئیدارەكرن و ڕێكخستنا كاروبارێن كەمپا سەردەشتێ و دروستكرنا هەماهەنگی و ئاسانكاریێ دگەل رێكخراوێن مرۆڤایەتی و خێرخوازی،داكو بتر بكارن هاریكاریان بگەهیننە ڤان خێزانێن ئاوارە و بێ حال كو ژمارا وان هەزار و 100 خێزانن ژ هاریكاریان بێ بەهربووینە.
ئەو چەندە ژی ژی دیاركر،د دوو سالێن بۆری ئەڤی گڕۆپی كاریە ژمارەیەكا مەزن یا چالاكیێن جودا جودا بۆ زارۆكان پێشكێش بكەت،ژ كارێن ئەڤی گڕۆپی ڤەكرنا خۆلێن جودا بۆ ئافرەت و گەنجان و پێشكێشكرن و گەهاندنا هاریكاریێن مرۆڤایەتی بۆ خێزانێن هەژار و بێ حال.
تُتاح هذه الصورة أيضا في: کوردی