ل ڕۆژا پێنج شهمبوويێ5ـی شوباتا 2026ێ، بنگههێ لالش ل دهۆكێ دانوستاندنهكا ڤهكرى بۆ د.سهربهست نهبی ڤهكۆلهر و شارهزایێ فهلسهفا سیاسی ل دۆر گهۆرینێن رۆژههلاتا ناڤهراست و ب تایبهت روودانێن ڕۆژئاڤایێ كوردستانێ و سوریا) ڕێكخست.
وهك ڕێزگرتن ل سهر گيانێ پاكێ جانگۆريێن كوردستانێ سهروهرێ وان بارزانيێ نهمر و كاك ئهدريسێ جوانه مهرگ ئامادهبوويى خۆلهكهكێ سهكنين.
ل دووڤدا ب ئامادهبوونا د.عهلی تهتهر پارێزگارێ دهۆكێ و كۆمهكا بژاره ژ ئهكاديمى، كهسايهتى، مامۆستا و ڕهوشهنبيران، دانوستاندنا ڤهكرى دهستپێكر.
ل بهراهيێ د.سهربهست نهبی بهحسێ بهحس ل ئێكرێزیا مللهتێ كورد ل رۆژئاڤایێ كوردستانێ كر و دیاركر جهێ خۆشحالیێ یه ئهڤێ جارێ ههموو كوردستانی ئێك رهنگ و ئێك دهست بوون بۆ رۆژئاڤایێ كوردستانێ.
گۆتژی: پێتڤییه كورد ل جیهانێ ل شونا كارتا فشارێ بن، ببنه كارتهكا ستراتیژی، چنكو باشتر ئهم دێ پاراستی بین ژ ههر تراژیدیایهكێ.
ناڤهاتی بهحسێ ململانێیێن سیاسی و لهشكهری و گۆرانكاریێن دیمۆگرافی و بارودوخ و دیمۆكرافیایا دهڤهرێن كۆردان و ئارمانجێن گوتارێن سیاسی و ڕایا كۆمهڵگههێ نێڤدهولهتی و دهست تێوهردانێن دهولهتێن ل سنورێ سۆریا و هۆشیاریا ههر تاكهكێ كۆرد د پاراستانا نیشتیمان و زمان و كلتۆرێ كۆردی دا هاته كرن، ههروهسان بهحسێ هشیاریا تاكێ كوردستانی هاته كرن.
پاشان دانوستاندنەکا تێر و تەسەڵ و گەنگەشەکا پر ب مفا دناڤبەرا ئامادەبوویان دا پەیدابوو، د.سهربهستی بەرسڤا تێبینی و پرسیاران هاتنه دان.
ل ههموو ڕۆژێن پێنج شهمبا ل بنگههێ لالش ل دهۆكێ، دانوستاندنهكا ڤهكرى ل دۆر مژارێن جودا جودا دهربارهى ڕهوشا ئێزديان بۆ ڕهوشهنبيران دئێته ڕێكخستن.
تُتاح هذه الصورة أيضا في: کوردی