لقا 20 یا پارتی دیموکراتی کوردستان بەشێ جەماوەری و پیشەیی 30 بەرپرس و ئەندامێن لالش خەلاتکرن.
تۆرا لالش
ب هەلکەفتا33ێ سالیا دامەزراندنا بنگەهێ لالش یێ رەوشەنبیری و کۆمەلایەتی، و وەک رێزگرتن ل کەد و خزمەتا بنگەهێن لالش و نڤیسینگەهێن ب سەرڤە ڕۆژا سێ شەمبوویێ رێکەفتی (13 / 5 / 2026) و ب ئامادەبوونا بەرپرسێ لقا 20 یا پارتی دیموکراتی کوردستان بەڕێز (صالح حيدر) و شاندێ دگەل بەڕێز (هڤال صالح نرمو) کارگێڕێ لقێ و بەرپرسێ بەشێ جەماوەری و پیشەیی و ب ئامادەبوونا بەرپرسێ لیژنا ناوچا شێخان و ئێکەتیا قوتابیان و لاوان ئافرەتان و سەنتەرێ رەوشنبیری شێخان ڕێ و رەسمێن ژ ههژی ب رێڤەچوون.
پشتی چەندەکێ وەک رێزگرتن بۆ شەهیدێن بزاڤا ڕزگاری خوازا گەلێ کورد سەروەرێ وان بارزانیێ نەمر، ڕێزدار صالح حيدر بەرپرسێ لقا 20 یا پارتی دیموکراتی کوردستان پەیڤەک بالکێش ئاراستەی هەموو ستافێن بنگههێ لالش و بەڕێزێن ئامادەبوویی کر و 33ێ سالیا دامەزراندنا بنگەهێ لالش پیرۆزکر و تەکەز ل خوینا شەهیدێن بزاڤا ڕزگاری خوازا گەلێ کوردستانێ کر ژ پێخەمەت ئیرۆ رۆژ.
هەروەها چەندین پەیڤ و گۆتنێن جوان ب ڤێ هەلکەفتێ ئاراستە کرن، هەر دپەیڤا خۆدا بەحسا بزاڤ و چالاکیێن بنگەهێ لالش کرن د خزمەتکرنا کەلتوور و ڕەسەناتیا کوردێن ئێزدی بلند نرخاندن.
هەروەسا دەستخۆشی ل کارگێڕیا بنگەهی کر بۆ ڕۆڵێ وان یێ مێژوویی د ٣٣ ساڵێن بووری دا .
دیسان دڤان ڕێ و رەسمان دا پشتەڤانیا تەمام یا پارتی دیموکراتی کوردستان بۆ کار و پرۆژەیێن بنگەهێ لالش هاتە دووپاتکرن، وەک ناڤەندەکا گرنگا ڕەوشەنبیری و جڤاکی د ناڤا جڤاکێ کوردستانێ دا دیسا تەکەز ل سەر رۆل و پشتەڤانیا سەرۆکێ حکومەتا هەرێما کوردستانێ ڕێزدار (مەسرور بارزانی) بۆ بنگەهێ لالش کر.
ل دوماهیێ بەرپرس و ئەندامێن لالش خەلاتێ رێزگرتنێ ب سەر ٣٠ ئەندامێن بنگەهێ لالش دا هاتنە دابەشکرن، کو پێکدهاتن ژ کادرێن ل بنگەهێن لالش (باعەدرێ، شێخان)و نڤیسینگەهێن لالش (ئێسیان و مەهەتێ) د ناڤ سنورێ لقێ ٢٠ دا کاردکەن.
بنگەهێ لالش
تایێ باعەدرێ
تُتاح هذه الصورة أيضا في: کوردی