دهزگههێ لوتكه: ئهڤساله 35 هزار ئيراقيان داخوازا مافێ پهنابهريێ كريه و %70 ژ وان كوردن
گاڤ نيوز:
دهزگههێ لوتكه بۆ كاروبارێن پهنابهران رادگههينيت، 35 هزار ئيراقيان داخوازا مافێ پهنابهريێ ل وهلاتێن ئهورۆپى كريه و ژ سهدێ 70 یا وان خهلكێ ههرێما كوردستانێ نه.
ئارى جهلال، سهرۆكێ دهزگههێ لوتكه بۆ كاروبارێن ئاوارهيان راگههاند، رهوشا ئيراقێ و ههرێما كوردستانێ ل پێش چاڤێن ههمى خهلكى دياره، لهو ئهو نهشێن بێژنه وهلاتيان قهستا دهرڤهيى وهلاتى نهكهن و دوپاتكر، خزمهتكاريێن دهستپێكى، نهدانا مووچهيى د دهمێ خۆ دا، نهبوونا دهليڤهيێن كارى بۆ گهنجان و بيمهيا بێكاريێ بۆ دهرچوويێن زانكۆ و پهيمانگههان ئهگهرن گهنج قهستا دهرڤهيى وهلاتى بكهن.
ئاشكرا كر ژى، ئهڤساله 35 هزار ئيراقيان داخوازا مافێ پهنابهريێ ل ئهورۆپا كريه و 70% ژێ خهلكێ ههرێما كوردستانێ نه.
ههروهسا ئارى جهلالى گۆت: رێژهيهكا مهزن يا كۆچبهران ل توركيا، يۆنان و ليتوانيا د رهوشهكا خراب دانه و هندهك ژى د زيندانان ڤهنه يان ژى دبێ سهروشوينن.
سهرۆكێ دهزگههێ لوتكه دازانين، ژ 2015 و تا نوكه ژمارا مريان و بێ سهروشوينان ئهوێن ل دهف وان هاتينه تۆماركرن زێدهتر ژ 430 كهسان و تهرمێن هندهكان ژى بۆ ئيراق و ههرێمێ هاتينه ڤهگوهاستن و تا نوكه ژى فايلێن هندهكان ب ڤهكرى ماينه.
تُتاح هذه الصورة أيضا في: کوردی