په‌یڤدارێ حكومه‌تێ: حه‌فتیا بهێت دێ ژڤانێ به‌لاڤكرنا نه‌فتا سپی هێته ئێكلاكرن
گاڤ نیوز
په‌یڤدارێ حكومه‌تا هه‌رێما كوردستانێ راگه‌هاند؛ د كۆمبوونا حه‌فتیا بهێت یا دناڤبه‌را وه‌زیرێ سامانێن سروشتی و وه‌زیرێ په‌ترۆلا ئیراقێ دا دێ پرسا خشتێ به‌لاڤكرنا نه‌فتا سپی ئێكلاكه‌ن.
پشتى كۆمبوونا ئه‌ڤرۆ یا جڤاتا وه‌زیرێن هه‌رێما كوردستانێ، د. جوتیار عادل په‌یڤدارێ حكومه‌تا هه‌رێما كوردستانێ ئه‌نجامێن كۆمبوونێ ئاشكرا كرن و گۆت: به‌غدا ل سه‌ر هنارتنا 200 ملیار دیناران هه‌یڤانه بۆ هه‌ولێرێ دێ یا به‌رده‌وام بیت.
هه‌روه‌سا دیاركر: ل ده‌ستپێكا حه‌فتیا بهێت وه‌زیرێ سامانێن سروشتی یێ هه‌رێما كوردستانێ و وه‌زیرێ په‌ترۆلا ئیراقێ دێ كۆمبن و به‌حس ل دانانا خشته‌یه‌كێ به‌لاڤكرنا نه‌فتا سپی كه‌ن و گۆت: ئه‌و خوازیاره ب زویترین ده‌م ده‌ست ب به‌لاڤكرنا نه‌فتێ بهێته كرن.
تُتاح هذه الصورة أيضا في: کوردی