تۆرا لالـش
وهزیرێ پهروهردا حكومهتا ههرێما كوردستانێ، ل دۆر درێژكرنا بهێنڤهدانا فهرمی ڕادگههینت، ههتا شهمبوویێ دێ چاڤدێرییا بارۆدۆخێ دهڤهرێ كهین و ل وی دهمی دێ بریارهكێ ل دۆر درێژكرنا بهێنڤهدانێ د بهرژوهندییا مامۆستا و قوتابیان دا دهین.
ژبهر بهرپابوونا شهرێ ئێران و هێرشێن مووشهك و درۆن و گرۆپێن چهكدار یێن نێزیكی وی وهلاتی بۆ سهر ههولێر و ههرێما كوردستانێ، ههردوو وهزارهتێن پهروهرده و خواندنا بلند بۆ پاراستنا گیانێ مامۆستا و قوتابیان ل رۆژا 1/3/2026ێ بۆ ماوێ چار رۆژان بهێنڤهدانا فهرمی ڕاگههاند.
تێ زانین ئیرۆ بهێنڤهدان ب داوی هات و سبهی ب ههلكهفتا سهرهلدانا مهزن یا گهلێ كورد ل باشورێ كوردستانێ 5/3/2026ێ بهێنڤهدانا فهرمی یه.
ل دۆر ڤێ یهكێ د.ئالان حهمه سهعید وهزیرێ پهروهردێ ل حكومهتا ههرێما كوردستانێ ئاشكهرادكهت،ههتا ڕۆژا شهمبوویێ دێ چاڤدێرییا باردۆخێ دهڤهرێ ب گشتی و ههرێما كوردستانێ ب تایبهت كهین، ژ نووی وی دهمی دێ بریارهكێ ل دۆر ڤهكرن یان ژبهر پاراستنا گیانێ مامۆستا و قوتابی و فهرمانبهران درێژكرنا بهێنڤهدانا فهرمی دێ دهین.
تُتاح هذه الصورة أيضا في: کوردی