شبكة لالش الاعلامية

Nûnerê kurdên êzîdî: PKK bi kincên Heşda Şeibî tevlî şerê Mûsilê dibe!

Nûnerê kurdên êzîdî: PKK bi kincên Heşda Şeibî tevlî şerê Mûsilê dibe!

Çavkanî :Basnews

Nûnerê kurdên êzîdî li parlamentoya Kurdistanê dibêje, bi nêzîkbûna operasyona Mûsiê re, gerîlayên PKKê tevlî Heşda Şeibî dibin û kincên wan li ber dikin!

Parlamenterê êzîdî Şêx Şamo ji BasNewsê re got, haya jê heye ku hêzên girêdayî PKKê yên li Şingalê, bi Heşda Şeibî re li hev kirine ku bi kincên Heşda Şeibî tevlî milîsên şîe bibin û bi ser komên Heşda Şeibî de tên dabeşkirin.

Şêx Şamo her wiha got, qesta wan ji vê yekê ew e ku PKK bi navê Heşda Şeibî tevlî operasyona azadkirina Mûsilê bibe. Ev jî dibe sebeba wê ku Tirkiye hêzên xwe ji Iraqê dernexîne û rijd be li ser helwesta xwe.

Li gorî agahiyên wî parlamenterê êzîdî, Heşda Şeibî çek û cebilxane jî daye PKKê.

تُتاح هذه الصورة أيضا في: Kurdî

___

Nûnerê Serokwezîrê Herêma Kurdistanê serdana Perestgeha pîroza Lalişê kir

Lalish Duhok

150 hezar Êzidî ji welatê Îraqê derketine u koçber bûne ..

Lalish Duhok

Mehma Xelîl: Çarçoveya Hemahengiyê li ber rêkeftina asayîkirina rewşa Şingalê rêgir e BasNews – Endamê Parlamentoya Iraqê Mehma Xelîl ragihand, Çarçoveya Hemahengiyê li ber cîbicîkirina birgeyên rêkeftina siyasî yên asayîkirina rewşa Şingalê rêgir e. Mehma Xelîl di daxuyaniyeke rojnamevaniyê de got: “Ji ber tunebûna îradeyeke bihêz ji aliyê Hevpeymaniya Çarçoveya Hemahengiyê ve, nekarîne rêkeftina Şingalê were cîbicîkirin.” Xelîl diyar kir: “Kabîneya Mihemed Şiya Sûdanî heta niha rêkarên pratîkî ji bo cîbicîkirina rêkeftina asayîkirina rewşa Şingalê pêk neanîne, li Şingalê grub û milîsên ser bi Heşda Şeibî li wir in û piştevaniya PKKê dikin, ew grub ser bi baskê siyasî yê Çarçoveya Hemahengiyê ne û li ber asayîkirina rewşa Şingalê rêgir in.” Mehma Xelîl destnîşan kir: “Şingal li derveyî desthilata hikûmeta Iraqê ye û hêzeke biçûk a Iraqî li wir e, bajêr ji aliyê rêxistinên biyanî yên wek PKK û ew grubên ku ji aliyê Heşda Şeibî ve tê piştevanîkirin, tê birêvebirin.” Rêkeftina asayîkirina Şingalê di Cotmeha 2020an de di navbera Hikûmeta Iraqê û Hikûmeta Herêma Kurdistanê de li Bexdayê hat îmzekirin, ku van şeş xalên sereke li xwe digre: 1- Hilbijartina qaymeqamê nû. 2- Hikûmeta Federal pirsa ewlehiyê îdare dike. 3- Erkdarkirina 2500 kesan ji xelkê Şingalê û awareyên wê û dirustkirina hêzeke nû. 4- Li Şingalê bidawîanîna PKKê û hemû wan grubên ku pêwendiya wan pê re heye. 5- Ti kesekî ser bi PKKê nabe di wê hêza nû de were erkdarkirin. 6- Hewlêr û Bexda hevahengiyê ji bo avakirina Şingalê û îdarekirina wê bikin.

Lalish Duhok