ھەدەپە: رەوشا ساخلەمیا عەبدوللا ئۆجەلانی یا باشە
وار
پشتی بزاڤا ئەنجامدانا کودەتایا سەربازی یا شەڤا ئەینیێ ل تورکیا و پەیدابوونا گرژی و ئالۆزییان، پارتییا دیمۆکراتیک یا گەلان ھەدەپێ راگەھاند: ساخلەمیا عەبدوللا ئۆجەلانێ سەرۆکێ زیندانکریێ پارتییا کارکەرێن کوردستانێ یا باشە و یێ ل زیندانا ئیمرالیێ.
شاندا ئیمرالیێ یا ھەدەپێ د بەلاڤکرنەکا نڤیسیی دا راگەھاند: ل دۆر رەوشا ساخلەمییا ئۆجەلانی وان پەیوەندی ب شیرەتکار و بەرپرسێ ئەمنی یێ سەرۆکوەزیران و وەزارەتا داد کریە، وان ژی ئاشکرا کریە، رەوشا ساخلەمییا ئۆجەلانی باشە.
شاندا ئیمرالیێ ئەو ژی ئاشکرا کر، بەرپرسێن پەیوەندیدار ئەو ھایدار کرینە، پشتی بزاڤا کودەتایا لەشکری یا سەرنەگرتی، چو زیان نەگەھشتینە ئیمرالیێ و رەوشا ساخلەمیا ئۆجەلانی باشە.
تُتاح هذه الصورة أيضا في: کوردی