شاندهكى ئهكادیمى ژ زانینگهها بهغدا قهستا لالش كر
تۆرا لالش یا راگههاندنێ :
د چارچۆڤێ سهرهدانێن بهردهوام یێن شاندێن بیانى و نافخۆى و ژبۆى پتر ناسكرنا ئێزدیان وئۆلا ئێزدیان و كهڤناتیا ڤێ ئۆلێ , ئیرۆ رۆژا ئێكشهمبوویێ رێكهفتى 18ى سێپتێمبهرا 2022ێ شاندهكى ئهكادیمى قهستا پهرستگهها پیرۆزا لالش كرن .
شاندێ سهرهدانا پهرستگهها لالش كرى ژ ژمارهكا مامۆستایێن زانینگهها بهغدا و شوێنهوارناسان پێكدهاتن و ژلایێ بهرپرسێ نڤیسینگهها پهرستهگهها لالش ڤه هاته پێشوازیكرن .
بهرپرسێ نڤیسینگهها پهرستگهها لالش لوقمان سولێمان بؤ شاندێ ناڤبرى دایه خویاكرن كو دهرگههێ لالش ههردهم ڤهكرییه , و بۆ دهمهكى دگهل شاندێ نافهاتى دناڤا هندورێ پهرستگههێ گهریان پێخهمهت ژ نێزیكڤه شاندێ هاتى ئاگههدارى ناسینا سیمبۆلێن ئێزدیان و ئهو هێما و نهقشێن سهر دیوارێن پهرستگههێ بكهت , زێدهبارى ئاماژه پێكرن ب كهڤناتى و رهسهناتیا ئۆلا ئێزدیان ,ههروهها سولێمانى بهحسا گرنگترین جهژن و ههلكهفتێن ناڤا پهرستگههێ دهێنه گێران كر وبۆ شاندنێ قهستكرى دانه خویاكرن.
ههژى گۆتنێ یه رۆژ ل دیڤ رۆژێ هاتنا شاندێن ههمجۆرێن بیانى و نافخۆى ژ پسپۆر و بیاڤێن جودا جودا قهستا پهرستگهها لالش دكهن بمهرهمێن خاندن و ڤهكۆلین و ناسینا ئۆلا ئێزدیان .
س.س
تُتاح هذه الصورة أيضا في: کوردی