Rêveberê Sinûnê: Xelkê Sinûnê nikarin ji ber PKKê vegerin malên xwe

Rêveberê bajarokê Sinûnê yê Şingalê dibêje, xelkê Sinûnê nikarin ji ber hêzên PKKê vegerin ser war û malên xwe.

Rêveberê bajarokê Sinûnê, Nayîf Seydo ji malpera fermî ya PDKê re gotiye, heta niha tenê 7 hezar û 400 malbat vegeriyane Sinûnê.

Nayîf Seydo her wiha gotiye, ew malbatên ku venegeriyane jî ji ber hêzên PKKê nikarin vegerin. Ji ber ku PKK li wir bicîh bûye û bi otomobîlên bê pilak û camreş li wan deran digerin û em nizanin kî ne û çi dikin.

Rêveberê bajarokê Sinûnê daye xuyakirin ku hebûna hêzên PKKê li devera Şingalê bûye sebeba kêşe û tengavbûna xelkê Şingalê. Divê PKK wê deverê vala bike û hêzên xwe ji wir derxîne.

تُتاح هذه الصورة أيضا في: Kurdî