DUHOK – Du zarokên şingalî karên giran dikin
Rûdaw
Du birayên bi navê Barzan û Besam ji Şingalê aware bûne û ev 3 sal in li ser wesayîtên bînasaziyê dixebitin.
Gelek zarok ji ber şerê DAIŞê li gel malbatên xwe aware bûne û ji perwerdehiyê dûr diketine. Herwiha ew zarok ji ber giraniya jiyan û debara malê, di karên ne li gor temenên wan de dixebitin.
Du birayên bi navê Barzan ku 13 salî ye û Besam ku 9 salî ye, li ser wesayîta lodêr, dor bi dor şofêriyê dikin û her rojên ku kar hebe, dikarin 15 – 30 hezar dînaran (12 – 24 dolar) bibin mala xwe.
Zarokê 13 salî Barzan diyar kir, ku ji ber êrişa DAIŞê ya bi ser Şingalê, ji cih û warê xwe reviyane û dibêje ku gava rewşa Şingalê baş bibe, ewê vegere warê xwe û dest bi dibistana xwe bike.
Bavê her du zarokan diyar dike, ku ew ji ber ku zarokên wî li ber çavên wî karên giran dikin, dilteng e, lê aşkere dike, ku barê giran ê jiyanê ew neçar kiriye ku kurên xwe jî weke xebatkarên din bide xebitandin.
Dayîka Barzan û Besam destnîşan kir, ku ew naxwaze zarokên wê bixebitin, lê ji ber hejarî û belengaziyê neçar maye ku bihêle kurên wê bişuxilin.
تُتاح هذه الصورة أيضا في: Kurdî