Serokê Herêmê pêşwazî li serokerkanê artêşa Iraqê kir
Çavkanî :Basnews
Serokê Herêma Kurdistanê Mesûd Barzanî pêşwazî li serokerkanê artêşa Iraqê Osman Xanimî kir.
Li gor malpera fermî ya serokatiya Herêma Kurdistanê derbarê hevdîtinê de daxuyaniya hatî dayîn waha ye:
Roja çarşemê 19.10.2016 li Selahedîn birêz Mesûd Barzanî Serokê Herêma Kurdistanê pêşwaziya Ferîqê Yekem Osman Xanimî Serok Erkanê Artêşa Iraqê kir.
Di civînê de behsa qonaxa yekema ya proseya azadkirina Musilê û serkeftinên hêzên Pêşmerge û Artêşa Iraqê hate kirin.
Her li vê hevdîtinê de hemahengiya di navbera hêzên Pêşmerge û Artêşa Iraqê li proseya azadkirina Musilê da bilind nirxandin û piştrastiyê li ser berdewamiya wê hemahengiyê kirin.
تُتاح هذه الصورة أيضا في: Kurdî