Rêveberê koç û koçberiya Duhokê: 27 hezar malbatên koçber Şingalê ji grubên çekdar nikarin vegerin
BasNews – Rêveberê koç û koçberiya Duhokê aşkera kir, heta naha 27 hezar malbatên koçberên Şingalê li kampên Duhokê mane û ji ber tirsa grubên çekdar nikarin vegerin ser mal û halên xwe.
Rêveberê koç û koçberên Iraqê yê parêzgeha Duhokê Îskender Mihemed Emîn ji BasNewsê re ragehand: ‘’Li Duhokê 16 kampên koçberan hene ku hemû rûniştvanên wan kampan jî xelkê Şingalê û xelkê sînorê Şingalê ne.’’
Îskender Mihemed Emîn got: ‘’27 hezar malbat di nav wan kampan de dijîn û ji ber rewşa Şingalê xirabe, heta naha jî nevegeryane ser mal û halên xwe.’’
Rêveberê koç û koçberên Duhokê amaje bi wê yekê jî kir ku heta rêkeftina Hewlêr û Bexdayê ya derbarê Şingalê de neye bicîhanîn û Pêşmerge nevegere bajar, koçberên Şingalê amade nînin vegerin navçeyên xwe.’’
Îskender Mihemed Emîn red kir ku ew kampane bên daxistin û got: Ti biryarek ji bo daxistina kampên koçberên Şingalê tine û ti malbatek jî bi zorê nayê şandin.
Rêveberê koç û koçberên Duhokê aşkera kir, hin xelkê rûniştvanê kampan vegeriyane Şingalê, lê ji ber rewşa xirab a bajar û hebûna grubên çekdar û revandina zarokan, careke din dubare hewla vegera kampan didin.’’
Çalakvanên Şingalê dibêjin, çekdarên ser bi PKKê zarok û ciwanên Şingalê direvînin û wan vediguhêzin bo Qendîlê û wan li wê derê dikin çekdarên xwe.
تُتاح هذه الصورة أيضا في: Kurdî