نەتەوەيێن ئێكگرتى هاريكاريا راپرسیا هەرێما کوردستانێ دكت
تۆرا لالش يا راگههاندنێ
نەتەوە یەكگرتووەكان بڕیاری داوە وەك ئەو هاوكارییەی كە پێشكەشی وڵاتە سەربەخۆكانی جیهانی دەكات، بە هەمان شێوەش هاوكاریی كۆمیسیۆنی باڵای هەڵبژاردن و ڕاپرسیی هەرێمی كوردستان بكات.
هەندێن محەمەد، سەرۆكی كۆمیسیۆنی باڵای هەڵبژاردن و ڕاپرسی لە هەرێمی كوردستان ئەمڕۆ دووشەممە 2016 -7 -18 بە )باسنیوز(ی ڕاگەیاند: “نەتەوە یەكگرتووەكان بڕیاری انداوە هاوكاری لۆجستیكی و راوێژی كارگێڕی بوارەكانی هەڵبژاردنمان پێشكەش بكەن، هەم بەمەبەستی داڕشتنی پەیكەری كارگێڕی لەناو دەستەی سەربەخۆی هەڵبژاردن و ڕاپرسی لە هەرێمی كوردستان و هەمیش بۆ ئەوەی ڕامان بهێنن بەمەبەستی ئەنجامدانی هەڵبژاردن و ڕاپرسی لە كوردستان ئەو هاوكارییانەش هەمان ئەو سیستمی هاوكارییانەیە كە پێشكەشی وڵاتە سەربەخۆكانی دنیای دەكات”.
لە بەشێكی دیكەی لێدوانەكەیدا سەرۆكی كۆمیسیۆن گوتیشی: “كۆمیسۆنی باڵای هەڵبژاردنەكان و ڕاپرسی هەموو دەسەڵاتێكی یاسایی هەیە بۆ ئەنجامدانی ئەو ڕیفراندۆمەی كە باسی لێوە دەكرێت و دەتوانین وەك یەكەم كاریش بێت ئەو ئەركە ڕاپەڕێنین، بەڵام تاكوو ئێستا بە فەرمی ئاگادار نەكراوینەتەوە.”
لەبارەی دامەزراندنی ئەو 500 فەرمانبەرەی كە كۆمیسیۆنی باڵای هەڵبژاردن و ڕاپرسی لە كوردستان پێویستی پێیەتی هەندرێن محەمەد، سەرۆكی كۆمیسیۆن گوتی: “ڕێكارەكان پێویستی بە كاتی زیاتر هەیە، نەمانتوانیوە ئەو ڕێكارانە تێپەڕێنین، بەڵام ئەو ناوانەی دەردەچن و كۆمیسیۆن كارەكانی خۆی لە ڕێگەی فەرمانبەرانی خۆیەوە جێبەجێ دەكات.”
تُتاح هذه الصورة أيضا في: کوردی