سەرۆکێ زانکۆیا سەلاحەدین: بەردەوامیيا بێ مووچەی کاریگەری ل سەر پرۆسا خوندنێ دێ ههبت
باسنيۆز:
سەرۆکی زانکۆی سەڵاحهدین ئاماژە بە خراپیی ڕەوشی مامۆستایانی زانکۆ دەکات و دەڵێت: “داواکارییان گەیاندووەتە سەرۆکایەتی حکوومەتی هەرێمی کوردستان”.
د. ئەحمەد دزەیی، سەرۆکی زانکۆی سەڵاحەدین، بە (باسنیوز)ی ڕاگەیاند: “نوێنەرایەتیی مامۆستایانی هەر سێ زانکۆکانی کوردستان و یەکێتیی مامۆستایانی کوردستان، یاداشتێکیان بۆ سەرۆکایەتیی حکوومەت بەرز کردووەتەوە، بە مەبەستی پرسی کەمیی مووچە، سەردانی سەرۆکایەتیی هەرێمی کوردستانیش کراوە، بۆ ئەوەی پێداچوونەوە بە پاشەکەوتی مووچەی مامۆستایان بکرێت، بە تایبەتی مامۆستایانی زانکۆ کە لە 75% مووچەکانیان پاشەکەوت کراوە”.
ئەوەشی ڕوون کردەوە کە ئەمجارە داواکاریی مامۆستایان زۆر بە توندی ئاراستەی سەرۆکایەتیی حکوومەت کراوە، بۆیە داوای لە سەرۆکی حکوومەتی هەرێمی کوردستان کرد، داواکارییەکە بە هەند وەربگرێت و پاشەکەوتی مووچە کەم بکاتەوە، پێش ئەوەی پرۆسەی خوێندن دەست پێ بکاتەوە. گوتیشی: “بەهۆی پاشەکەوتی زۆری مووچە و خراپیی دەرامەتی دارایی مامۆستایان، کاریگەریی خراپ لەسەر پرۆسەی خوێندن دروست بووە، لەوە دەچێت ئەم کاریگەرییە لەسەر زانکۆی سەڵاحەدین کەمتر بێت، بەهۆی زۆریی ژمارەی مامۆستاوە، بەڵام کاریگەریی زۆر لەسەر زانکۆکانی دیکە دروست دەکات”.
سەرۆکی زانکۆی سەڵاحەدین ئەوەشی بۆ (باسنیوز) خستە ڕوو: “بۆ بژێویی ژیانیان، بەشێک لە مامۆستایان پەنایان بردووەتە بەر فرۆشتنی ماڵ و پێداویستییەکانی ڕۆژانەیان و بەشێکیان چوونەتە دەرەوەی وڵات”.
تُتاح هذه الصورة أيضا في: کوردی