نادر خهمۆ :خزمەتا 33 سالێن بنگەهێ لالش د بوارێ زمان، مێژوو و کەلتوورێ ئێزدیاتیێ دا بلند د بینم
تۆرا لالش
پەیاما پیرۆزکرنا سالڤەگەڕا بنگەهێ لالش یێ ڕەوشنبیری وکۆمەڵایەتی.
دامەزراندنا بنگەهێ لالش یێ ڕەوشنبیری کۆمەڵایەتی ل دهۆکا داسنیا لژێر دروشمێ ( لالش کانیەکا زەلالە دهورتە دڕۆبارێ ڕەوشنبیریا کوردی دا) پشتەڤانیا سەرکردایەتیا سیاسی یا کوردستانی تایبەت یا پارتی دیموکراتی کوردستان و شەخسێ جەنابێ سەرۆك (مەسعود بارزانی) ب سوپاسی ڤە دەستکەفتیەکێ گرنگ و دیرۆکی یێ سەرهلدانا گەلێ کوردستانێ بوو ل ئادارا ١٩٩١ێ و بەرهەمێ خەبات و خۆڕاگری و قوربانیدانا خەلکێ بەرخۆدایێ کوردستانێ بوو ل همبەر زولم و زۆرداریا هێزێن داگیرکەرێن کوردستانێ.
خاڵەکا وەرچەرخانا دیرۆکی و دلخۆشکەربوو بۆ دیارکرنا ڕاستیا کوردبوونا ئێزدیان و ئۆلا ئێزدیاتیێ یا ڕاستەقینە و ناساندنا ڕەسەنیا ناسناما وان یا نەتەوا کورد ل کوردستانا خۆشتڤی وارگەهێ بابوکالان و مەڵبەندێ پێکڤەژیانی و پێنگاڤەكا هێژابوو ژبۆ پەیرەوکرنا گیانێ لێبۆرینێ و ڕۆحینیا برایەتیێ دناڤبەرا هەمو پێکهاتێن ئۆلی و نەتەوەیێن کوردستانێ و دەڤەرێ دا.
هێژایی گوتنێ یە کار و چاڵاکیێت بنگەهێ لالش ل سەر ئاستێ ناڤخۆیا کوردستانێ و دەرڤەی وەلاتی دهەیاما ٣٣ سالێن دەرباز بوویدا خزمەتەکا بەرچاف و ڕۆلەکێ ئەرێنی و باندۆر دناڤ جڤاکا ئێزدیان و خەلکێ کوردستانێ بگشتی دبوارێن جودا جودا دا هەبوون ، نەخاسمە دبیاڤێ پاراستن و پێشئێخستنا ( زمانێ دایکێ، ئەدەب و ڕهوشهنبیری، هۆنەر و کهلتوور، مێژوویا ئێزدیان یا ڕاستەقینە و …هتد) ل سەر ئاخا پیرۆزا کوردستانێ زێدەباری ئەنجامدانا بەرنامێ سەرەدان و خورتکرن و ئالۆگۆڕکرنا پەیوەندیێن جڤاکی و ئاینی و نەتەوەی ل سەر هەمو ئاستان دگەل هەموو پێکهاتێن کوردستانێ و دەڤەرێ.
لەورا ب هەلکەفتا سالڤەگەڕا دامەزراندنا بنگەهێ لالش گەرمترین وجوانترین پیرۆزبایێن خۆ ئاراستەی هەڤالێن دەستەیا بلند یا بەرێ و نۆکە و هەمو ئەندام و خەباتکارێن ڤی بنگەهی و ل گشت ڕەوشنبیران و خەلکێ خەباتکەر و بەرخۆدایێ کوردستانێ دکەم .
هەر بڤێ هەلکەفتێ هیڤیدارین هەمو لایەن و هێزێن سیاسیێن کوردستانی لڤێ قوناغا مێژوویی و هەستیاردا ئێکڕێزیا ناڤمالیا کوردستانی بپارێزن ب هەڤڕە بەردەوام کاربکەن بۆ هندێ دەستکەفتیێن مێژۆیی ژدەست نەدەین و بپارێزین و بەردەوام هەول بدەن پرەنسیبێن مرۆڤایەتیێ و فەرهەنگا کهلتوورێ پێکڤەژیانێ و گیانێ لێبۆرینێ هێشتا ل کوردستانێ بەرفرەهتر و کوورتر و بهێزتر لێ بیتن.
هەر ب ڤێ هەلکەفتێ دووپات دکەم.
ئێکگرتن و ئێکڕێزی و تفاق و تەبایی سومبول و کلیلا سەرکەفتنا مەزن یا گەلێ کوردستانێ یە ل همبەر هەرەشێن ناحەزان و دوژمنان و هەر تەحەدیاتەکێ.
هەر ئارام و ئاڤەدان بیت کوردستان
نادر خەمۆ
دهۆك
١١/ ٥ / ٢٠٢٦ێ
تُتاح هذه الصورة أيضا في: کوردی