تۆرا لالش
ههڤال صالح نهرمۆ : بنگههێ لالش چرایێ گەش یێ رەوشەنبیری و ناسنامەیا مە یا رەسەن
ب شانازی و رێزەکا مەزن، ئیرۆ د ناڤ لاپەرێن دیرۆکا مە دا، بیرهاتنا ٣٣ێ سالییا دامەزراندنا بنگەهێ لالش یێ رەوشەنبیری و کۆمەلایەتی پیرۆز دکەین.
تژی ژ خزمەت، تژی ژ خەباتا رەوشەنبیری و تژی ژ پاراستنا وان پەیوەندیێن جڤاکی یێن کو ئەم وەک مللەت پێ دهێینە ناسین.
بنگەهێ لالش د درێژاهیا ڤان سالان دا، بتنێ ئاڤاهیەک یان دەزگایەک نەبوویە؛ بەلکو قەلایەکا ب هێز بوویە بۆ پاراستنا فلکلورێ کوردی یێ دەوڵەمەند، کانییەک بوویە بۆ رەوشەنبیر و نڤیسەرێن مە و دەنگەکێ بلند بوویە بۆ ناساندنا ئێزدیاتیێ و رەسەناتیا کوردستانێ ل ئاستێ جیهانی. ئیرۆ ئەم قەردارێ وێ رەنج و ماندیبوونا هەموو وان کەسانین یێن کو ل رۆژا ئێکێ ئەڤ بنگەهە ل سەر دەستێن وان هاتیە ئاڤاکرن، و ئەوێن کو هەتا ئەڤرۆ ب دڵسۆزی خزمەتێ تێدا دکەن.
ب ڤێ هەلکەفتێ، گەرمترین پیرۆزباهیان ئاراستەی سەرۆک و ئەندامێن دەستەیا بلندا بنگەهێ لالش، نڤیسینگەهـ و ئەندامێن وێ و هەمی گەلێ مە یێ خۆشتەڤی دکەين. هیڤییا مە ئەوە کو بنگەهێ لالش هەر بمینیت ئەو ناڤەندا ب هێز یا کو رەوشەنبیری ب مێژوویێ ڤە و مێژوو ب پاشەرۆژێ ڤە گرێ ددەت.
هەردەم بنگەهێ لالش ئاڤا بیت..
هەردەم رەوشەنبیریا مە یا گەش بیت..
پیرۆز بیت ٣٣ سالییا خزمەت و داهێنانێ.
هڤال سالح نەرمۆ
رێكخراوێن جەماوەرى و پيشەييا لقێ٢٠
١١ ئايارا ٢٠٢٦
تُتاح هذه الصورة أيضا في: کوردی