عێراق بۆ گەهشتنا یاریا داويێ یاريێ دکت
رووداو – هەولێر
ئەمڕۆ یارییەکانی قۆناخی پێشکۆتایی جامی کەنداوی 23 کە رکابەرییەکانی لە کوەیت دەکرێن ئەنجامدەدرێن و هەڵبژاردەی عێراقیش لەبەردەم ئەرکێکی زەحمەتدایە.
لە یاریی یەکەمی ئەم قۆناخەدا هەردوو هەڵبژاردەی عومان و بەحرەین کاژێر 17:15 رووبەڕووی یەکدەبنەوە، دوای ئەوە لە یارییەکی بەهێز و زەحمەتدا هەڵبژاردەی عێراق لە کاژێر 20:30 بەرامبەر هەڵبژاردەی ئیمارات یارییدەکات کە زۆرینەی پێشبینییەکان بۆ ئەوەن ئەو هەڵبژاردەیەی ئەم یارییە بباتەوە نازناوەکەش دەباتەوە.
عێراق و ئیمارات مێژوویەکی دوور و درێژیان لەرووبەڕووبوونەوە هەیە و هەڵبژاردەی عێراق دەیەوێت بەبردنەوەی ئەم یارییە خۆی بگەیێنێتە یاریی کۆتایی و بەبردنەوەی نازناوەکە قەرەبووی سەرنەکەوتنی بۆ مۆندیالی 2018 بکاتەوە، لەکاتێکدا هەڵبژاردەکە 3 جار نازناوەکەی بەدەستهێناوە و ئیماراتیش خاوەنی دوو نازناوی جامی کەنداوە.
تُتاح هذه الصورة أيضا في: کوردی