درامایێن بیانی ئەگەرێ ژێكڤەبوونا هەڤژینانە
راپۆرت:جوان بەرواری 
گەلەك جاران ژئەگەرێ كارتێكرنا درامایێن بیانی و لێك تێنەگەهشتنێ وسەرەدەریكرنەكا نە دروست،ئاریشە دناڤبەرا هەڤژینان دا پەیدادبن و ژێكڤە دبن و كێشە گەهشتینە دادگەهێ،داخواز دئێتە كرن گەنجێن شیان نەبن بریارا هەڤژینیێ نەدەت ب تایبەت دژیێ سنێلەیێ دا.
ئافرەتەك ب ناڤێ(س،ل) دیاركر،ئەڤە بۆ ماوێ دوو سالایە ژ هەڤژینێ خۆ جودا بوویمە و خودان پێنچ زارۆكم،جودابوونا مە ژی ژ ئەگەرێ وێ چەندێ بوو كو نەبوونا لێك تێنەگەهشتنێ وسەرەدەریكرنا هەڤژینێ من ب شێوەیەكێ رەق وتوندوتیژیكرنێ بوو بەرامبەری من،لەوما ژی كێشا مە گەهشتە ئاستێ دادگەهێ،گۆتژی زۆ رجاران جڤاك ژی ب چاڤەكێ نەرێك و پێك بەرێ خۆ ددەتە مرۆڤی،لێ بارودۆخێ هەردوو رەگەزان دەمێ دگەلێك نەئێتە گونجاندن،جودابوون باشترە داكو پاشەرۆژا زارۆكان ژی پتر نەئێتە بنپێكرن.
ژبال خۆڤە (عبدالعزیز مەحسن)وەك رەوشەنبیرەك دبێژت:هەلبەت بۆچوونێن جودا جودا ل سەر هەنە ، هندەك دبێژن ئەڤە نیشانا هشیاریا ئافرەتێ یە كو رازی نابت ب هیچ رەنگەكی توندوتیژی دژی وێ بێتەكرن،چنكو ئەوژی مل ب ملێ رەگەزێ نێر كەدو خەباتێ دكت و چێ نابت دچارچۆڤێ دینداریا بەرتەنگ و عەشیرەتیا بەرتەنگ سەرەدەری دگەل بێتەكرن ،هەروەسا رێكخراوێن ب ئافرەتان ڤە ئافرەتێ ئێك لایی هشیاردكەن كو چێ نابت ئێدی بتنێ بۆ مەرەمێن بەرتەنگ و تایبەتێن زەلامی بێتە بكارئینان ، هەتا نۆكە هەردوو رەگەز پێكڤە دئاینی نەگەهشتینە و كەسایەتیێن ئاینی ژی نكارینە هەلگرێن پەیاما دروست بن و ب دروستی شرۆڤە بكن،ڤەبوونا دەرگەهێن نێڤ دەولەتی و دیتن و گەریان دناڤ كەلتۆرێن ژێك جودا دا و بریارا هەڤژینیێ ل سەر بنەرەتەكی راست و دورست لێك تێنەگەهشتنێ سەرەدەریكرن ب شێوەیەكی موجاملەكرنێ و كارتێكرنا درامایێن بیانی و پەیدابوونا تەكنلۆژیایێ ئەڤە هەموو ئەوخالێن كو بووینە ئەگەرێ ژێكڤەبوونا هەڤژینان،ئاشكەراكرژی هەر رەگەزەك بەری شووكرن و ژن ئینانێ خەونێ ب هندێ ڤە دبینیت ، كو ئەڤە مافەكێ گەلەك سروشتیێ وانە،لێ یا گرنگ ئەوە دەمێ پێكڤە دان و ستاندنێ دكن، دڤێت گەلەك ب جورئەت خەون و هزرێن خۆ ب هەڤ روون و ئاشكەرا بكن،دەمێ هاتنە گۆتن پاشان دڤێت بێنە لێك ڤاڤارتن،كانێ چەند خال وەك هەڤن و چەند خال هەڤدژن،دەمێ ئاستێ هشیاریا جڤاكی رەوشەنبیریا گشتی و پەروەردێ و زانستی و مەعریفی و دارایی یێن مالباتێ ئەڤە نەبوون ،بریارا هەڤژینیێ نەیا ساخلەمە و جودابوون ژی زووكا دروست دبت.
هەروەسا پارێزەر(سیما)خویاكر،پەیدابوونا ڤێ دیاردێ بو وێ چەندێ ڤەدگەرت جڤاكێ مە یێ دناڤا سنورەكێ دا ئەوسنور گرێدایی جێبەجێكرنا یاسایا دەستوری یە و دگەل ڤێ چەندێ خەلك دگەل لایەنێ شەریعەتی ڤە ب رێڤە دچت و جڤاك ژی یێ كەتیە ململانێیەكا بلەز دا، ئەڤ هەردووخالە دەمێ دگەهنە ئێك وی دەمی بنە ئەگەرێ پەیدابوونا ئاریشان دناڤا خێزانێ دا،گرنكترین رێك ژبۆ خێزانەكا سەركەفتی ئەوە دەمێ گەنج بریارەكا تێرو تەسەل ددەت ئەوژی چاوان كو هزردبیاڤێ ئابووری ومەعنەوی دا بكت و بزانت ئەگەر چ شیان نەبن بریارا دانا هەڤژینیێ نەدەت تایبەت دژیێ سنێلەیێ دا كوخێزانەكا بەختەوەر ئاڤاكت.
تُتاح هذه الصورة أيضا في: کوردی