پێنج گۆرێن بکۆم ل کۆچۆ ھاتنە دیتن
WAAR-دهۆك:
ل گوندێ کۆچۆ یێ سەر ب شنگالێ ڤە کو بەری دو رۆژان ژ ئالیێ حەشدا شەعبی ڤە ھاتییە کۆنترۆلکرن، پێنج گورێن کۆم ھاتنە دیتن کو پێشبینی دھێتە کرن روفاتێن 400 کەسان تیدا بن.
خەیری بۆزانی: رێڤەبەرێ گشتی یێ کاروبارێن ئێزدییان ل وەزاەرتا ئەوقاف و کارێن ئایینی ل ھەرێما کوردستانێ راگەھاند: ل گوندێ کۆچۆ 5 گورێن بکۆم ھاتنە دیتن، ھێشتا ب دروستی ناھێتە زانین چەند روفات تێدانە.
بۆزانی گۆت ژی: لێکۆلین ھێشتا ل سەر گۆرێن کۆم بەردەوامن و ئەو تەرمێن د گۆرێن کۆم دا ھەمی یێن کوردێن ئێزدی نە و وەکی دیار داعشێ كۆمکۆژییا ھەری مەزن ل گوندێ کۆچۆ ھاتبوو کرن.
ژێدەرەکێ تایبەت ژ کۆچۆ بۆ وار گۆت: دەڤەر ھەمی یا مینرێژ کرییە و رێ ناھێتەت دان کەس بچیتە ناڤ دا و تیمێن ئەندازەیی نەشیایە کارێ خوە بداوی بینیت لەورا چێدبیت ھێشتا گۆر ھەبن.
تُتاح هذه الصورة أيضا في: کوردی